2026 'ਚ ਵਿਆਜ ਦਰਾਂ ਵਾਸਤੇ ਕੈਨੇਡਾ ਦੀਆਂ ਛੇ ਵੱਡੀਆਂ ਬੈਂਕਾਂ ਨੇ ਕੀਤੀ ਭਵਿੱਖਬਾਣੀ

2026 'ਚ ਵਿਆਜ ਦਰਾਂ ਵਾਸਤੇ ਕੈਨੇਡਾ ਦੀਆਂ ਛੇ ਵੱਡੀਆਂ ਬੈਂਕਾਂ ਨੇ ਇਹ ਭਵਿੱਖਬਾਣੀ ਕੀਤੀ ਹੈ:

-ਬੈਂਕ ਆਫ ਮਾਂਟਰੀਆਲ: ਵਿਆਜ ਦਰ 0.50% ਘਟਾਈ ਜਾਵੇਗੀ।

-ਸਕੋਸ਼ੀਆਬੈਂਕ: ਦੂਜੀ ਛਿਮਾਹੀ 'ਚ ਵਿਆਜ ਦਰ 0.50% ਵਧਾਈ ਜਾਵੇਗੀ।

-ਨੈਸ਼ਨਲ ਬੈਂਕ ਆਫ ਕੈਨੇਡਾ: ਵਿਆਜ ਦਰ 0.50% ਵਧਾਈ ਜਾਵੇਗੀ।

-ਸੀਆਈਬੀਸੀ: ਵਿਆਜ ਦਰ ਸਾਰਾ ਸਾਲ ਨਹੀਂ ਛੇੜੀ ਜਾਵੇਗੀ, ਪਰ ਥੋੜੀ ਘਟਾਉਣੀ ਚਾਹੀਦੀ ਹੈ।

-ਆਰਬੀਸੀ: ਵਿਆਜ ਦਰ ਸਾਰਾ ਸਾਲ ਨਹੀਂ ਛੇੜੀ ਜਾਵੇਗੀ। ਪਰ ਵਿਆਜ ਦਰ ਵਧਾਉਣ ਨਾਲ ਘਟਾਉਣ ਨਾਲੋਂ ਵੱਧ ਨੁਕਸਾਨ ਹੋਵੇਗਾ।

-ਟੀਡੀ: ਵਿਆਜ ਦਰ ਇੱਥੇ ਹੀ ਟਿਕੀ ਰਹੇਗੀ।

ਇਹ ਡੈਟਾ ਬੀਐਨਐਨ-ਬਲੂਮਬਰਗ ਦੇ ਸਰਵੇਖਣ ਤੋਂ ਲਿਆ ਗਿਆ ਹੈ, ਜਿਸਦਾ ਸਿੱਟਾ ਇਹ ਨਿਕਲਦਾ ਹੈ ਕਿ ਕੈਨੇਡਾ ਵਾਸੀਆਂ ਨੂੰ ਇਸ ਟਿਕ ਗਏ ਹਾਲਾਤ ਵਿੱਚ ਆਰਥਿਕਤਾ ਤੋਰਨ ਲਈ ਖੁਦ ਹੀ ਹੰਭਲਾ ਮਾਰਨਾ ਪਵੇਗਾ। ਸਰਕਾਰਾਂ 'ਤੇ ਵੀ ਆਰਥਿਕਤਾ ਤੋਰਨ ਲਈ ਕੁਝ ਵੱਡੇ ਕਦਮ ਚੁੱਕਣ ਲਈ ਦਬਾਅ ਪਾਉਣਾ ਪਵੇਗਾ।

ਜਾਪਦਾ ਹੈ ਕਿ ਅਮਰੀਕਾ ਨਾਲ 'ਟਰੇਡ ਡੀਲ' ਗੱਲਬਾਤ ਹੁਣ ਉਦੋਂ ਹੀ ਸਿਰੇ ਲੱਗੇਗੀ, ਜਦੋਂ ਕੈਨੇਡਾ-ਅਮਰੀਕਾ-ਮੈਕਸੀਕੋ ਵਿਚਾਲੇ ਹੋਇਆ ਕਰ-ਮੁਕਤ ਵਪਾਰ ਸਮਝੌਤਾ (ਫਰੀ ਟਰੇਡ ਐਗਰੀਮੈਂਟ) ਸਮੀਖਿਆ ਤੋਂ ਬਾਅਦ 2026 ਵਿੱਚ ਦੁਬਾਰਾ ਲਿਖ ਹੋ ਗਿਆ।

-ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ