ਬੱਚੀ ਨਾਲ ਕੁਕਰਮ ਦੇ ਦੋਸ਼ `ਚ ਟਰਾਂਟੋ ਦਾ ਨਾਮਵਰ ਪੁਜਾਰੀ ਗ੍ਰਿਫਤਾਰ

ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ ਬਿਊਰੋ

ਟਰਾਂਟੋ ਇਲਾਕੇ ਦੇ ਇੱਕ ਨਾਮਵਰ ਪੁਜਾਰੀ ਸਵਾਮੀ ਪੁਸ਼ਕਰਾਨੰਦ ਨੂੰ ਟਰਾਂਟੋ ਪੁਲਿਸ ਨੇ ਇੱਕ ਔਰਤ ਦੀ ਸ਼ਿਕਾਇਤ 'ਤੇ ਸਰੀਰਕ ਸ਼ੋਸ਼ਣ ਦੇ ਦੋਸ਼ਾਂ ਅਧੀਨ ਗ੍ਰਿਫਤਾਰ ਕਰ ਲਿਆ ਹੈ। ਔਰਤ ਨੇ ਸ਼ਿਕਾਇਤ ਕੀਤੀ ਹੈ ਕਿ ਜਦ ਉਹ ਛੋਟੀ ਬੱਚੀ ਸੀ ਤਾਂ ਇਸ ਪੁਜਾਰੀ ਨੇ ਉਸ ਨਾਲ ਕਈ ਵਾਰ ਕੁਕਰਮ ਕੀਤਾ।

ਇਹ ਦੁਰਘਟਨਾਵਾਂ 1994 ਤੋਂ ਲੈ ਕੇ 1997 ਦਰਮਿਆਨ ਵਾਪਰੀਆਂ ਜਦ ਇਸ ਬੱਚੀ ਦੀ ਉਮਰ 8 ਤੋਂ 11 ਸਾਲ ਅਤੇ ਪੁਜਾਰੀ ਦੀ ਉਮਰ ਅੰਦਾਜ਼ਨ 45 ਸਾਲ ਦੇ ਕਰੀਬ ਸੀ। ਪੁਲਿਸ ਮੁਤਾਬਕ ਸ਼ਿਕਾਇਤਕਰਤਾ ਔਰਤ ਜਦ ਬੱਚੀ ਸੀ ਤਾਂ ਆਪਣੇ ਪਰਿਵਾਰ ਸਮੇਤ ਟਰਾਂਟੋ ਨਜ਼ਦੀਕ ਸ਼ਹਿਰ ਈਟੋਬੀਕੋ ਦੇ ਕੋਡਲਿਨ ਕਰੈਸੈਂਟ ਵਿਖੇ ਮੌਜੂਦ ਮੰਦਰ 'ਚ ਜਾਇਆ ਕਰਦੀ ਸੀ, ਜਿਸਨੂੰ "ਭਾਰਤ ਸੇਵਾਸ਼ਰਮ ਸੰਘ ਕੈਨੇਡਾ" ਨੇ ਨਾਮ ਹੇਠ ਚਲਾਇਆ ਜਾਂਦਾ ਹੈ।

ਪੁਜਾਰੀ ਦੀ ਉਮਰ ਹੁਣ 68 ਸਾਲ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਹੋਰ ਪੀੜਤਾਂ ਵੀ ਹਨ ਤਾਂ ਉਨ੍ਹਾਂ ਨੂੰ ਵੀ ਅੱਗੇ ਆਉਣਾ ਚਾਹੀਦਾ ਹੈ।