ਸਾਬਕਾ ਲਿਬਰਲ ਮੰਤਰੀ ਰਾਜ ਗਰੇਵਾਲ 'ਤੇ ਗੰਭੀਰ ਚਾਰਜ ਲੱਗੇ

ਸਾਬਕਾ ਲਿਬਰਲ ਮੰਤਰੀ ਰਾਜਵਿੰਦਰ ਸਿੰਘ ਉਰਫ ਰਾਜ ਗਰੇਵਾਲ 'ਤੇ ਆਰਸੀਐਮਪੀ ਨੇ ਵਿਸ਼ਵਾਸ ਭੰਗ ਕਰਨ ਦੇ ਚਾਰ ਅਤੇ ਧੋਖਾ ਕਰਨ ਦਾ ਇੱਕ ਦੋਸ਼ ਲਾਏ ਹਨ।

ਪੁਲਿਸ ਮੁਤਾਬਕ ਗਰੇਵਾਲ ਨੇ ਮਿਲੀਅਨਾਂ ਡਾਲਰ ਨਿੱਜੀ ਕਰਜ਼ੇ ਵਜੋਂ ਲੈਣ ਬਾਰੇ ਐਥਿਕਸ ਕਮਿਸ਼ਨਰ ਨੂੰ ਜਾਣਕਾਰੀ ਨਹੀਂ ਦਿੱਤੀ। ਇਸਦੇ ਨਾਲ ਹੀ ਪੁਲਿਸ ਦਾ ਕਹਿਣਾ ਹੈ ਕਿ ਰਾਜ ਗਰੇਵਾਲ ਨੇ ਕਰਜ਼ੇ ਵਜੋਂ ਲਈ ਇਹ ਰਕਮ ਆਪਣੇ ਜਨਤਕ ਦਫਤਰ ਨਾਲ ਸਬੰਧਤ ਕਾਰਜਾਂ ਵਿੱਚ ਵਰਤੀ ਅਤੇ ਆਪਣੇ ਦਫਤਰ ਲਈ ਮਿਲਦੇ ਸਰਕਾਰੀ ਪੈਸੇ ਨੂੰ ਆਪਣੇ ਨਿੱਜੀ ਫਾਇਦੇ ਲਈ ਵੀ ਵਰਤਿਆ।

ਬਰੈਂਪਟਨ ਈਸਟ ਹਲਕੇ ਦੇ ਇਸ ਸਾਬਕਾ ਐਮਪੀ ਨੇ ਆਪਣੀ ਜੂਏ ਦੀ ਆਦਤ ਕਾਰਨ 2018 'ਚ ਅਸਤੀਫਾ ਦੇ ਦਿੱਤਾ ਸੀ। 6 ਅਕਤੂਬਰ ਨੂੰ ਗਰੇਵਾਲ ਦੀ ਅਦਾਲਤ 'ਚ ਪੇਸ਼ੀ ਹੋਵੇਗੀ।