ਸਰੀ ਦੇ ਸੁਰਿੰਦਰਪਾਲ ਗਿੱਲ ਨੂੰ ਨਿਕਲੀ ਮਿਲੀਅਨ ਡਾਲਰ ਦੀ ਲਾਟਰੀ

ਸਰੀ ਨਿਵਾਸੀ ਸੁਰਿੰਦਰਪਾਲ ਗਿੱਲ ਦੇ ਘਰਦਿਆਂ ਨੂੰ ਯਕੀਨ ਨਹੀਂ ਸੀ ਹੋ ਰਿਹਾ ਜਦ ਉਸਨੇ ਦੱਸਿਆ ਕਿ ਉਸਦੀ ਇੱਕ ਮਿਲੀਅਨ ਡਾਲਰ ਦੀ ਲਾਟਰੀ ਨਿਕਲ ਆਈ ਹੈ। ਭਾਰਤੀ ਕਰੰਸੀ ‘ਚ ਇਹ ਰਕਮ ਸਾਢੇ ਪੰਜ ਕਰੋੜ ਦੇ ਲਾਗੇ ਕਹਿ ਸਕਦੇ ਹਾਂ।

ਕੈਨੇਡਾ ਡੇਅ ਵਾਲੇ ਦਿਨ ਨਿਕਲੀ ਇਸ 6/49 ਲਾਟਰੀ ਦੀ ਟਿਕਟ ਉਸਨੇ ਇੱਕ ਗੈਸ ਸਟੇਸ਼ਨ ਤੋਂ ਖਰੀਦੀ ਸੀ। ਗਿੱਲ ਮੁਤਾਬਕ ਉਸਨੂੰ ਕੈਨੇਡਾ ਆਇਆਂ ਛੱਬੀ ਸਾਲ ਹੋ ਗਏ ਤੇ ਉਹ ਉਦੋਂ ਦਾ ਹੀ ਲਾਟਰੀ ਪਾਉੰਦਾ ਸੀ।

ਭਵਿੱਖ ‘ਚ ਉਹ ਕੰਮ ਘਟਾ ਕੇ ਕੋਈ ਆਪਣਾ ਵਪਾਰ ਕਰਨਾ ਚਾਹੁੰਦਾ ਹੈ ਤੇ ਬਣ ਰਹੇ ਨਵੇਂ ਘਰ ‘ਚ ਕੁਝ ਪੈਸੇ ਪਾਉਣੇ ਚਾਹੁੰਦਾ ਹੈ।

ਗੁਰਪ੍ਰੀਤ ਸਿੰਘ ਸਹੋਤਾ/ ਸਰੀ/ ਚੜ੍ਹਦੀ ਕਲਾ ਬਿਊਰੋ