ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਪੰਜਾਬੀਆਂ ਨੇ ਵਿਦੇਸ਼ੀ ਧਰਤੀ ‘ਤੇ ਆਪਣੀ ਸਰਦਾਰੀ ਕਿਸ ਤਰ੍ਹਾਂ ਕਾਇਮ ਰੱਖੀ ਹੈ ਇਸ ਗੱਲ ਦਾ ਅੰਦਾਜ਼ਾ ਇਸ ਵਰ੍ਹੇ ਕਾਫੀ ਖੁੱਲ੍ਹ ਕੇ ਸਾਹਮਣੇ ਆ ਰਹੀ ਹੈ। ਸਲੋਹ ਕੌਂਸਲ ‘ਚ ਡਿਪਟੀ ਮੇਅਰ ਬਲਵਿੰਦਰ ਸਿੰਘ ਬੈਂਸ ਨੇ ਹੁਣ ਬਤੌਰ ਮੇਅਰ ਅਹੁਦਾ ਸੰਭਾਲ ਲਿਆ ਹੈ, ਬਲਵਿੰਦਰ ਸਿੰਘ ਬੈਂਸ ਜਲੰਧਰ ਜਿ਼ਲ੍ਹੇ ਦੇ ਪਿੰਡ ਆਦਮਪੁਰ ਨਾਲ ਸੰਬੰਧ ਰੱਖਦੇ ਹਨ, ਉਹ 1962 ‘ਚ ਸਲੋਹ ਵਿਖੇ ਆਏ ਸਨ।ਇਸੇ ਤਰ੍ਹਾਂ ਕੌਂਸਲਰ ਮਿਲਕਿੰਦਰ ਜਸਪਾਲ ਨੇ ਵੀ ਵੁਲਵਰਹੈਂਪਟਨ ਦੇ ਮੇਅਰ ਦੇ ਅਹੁਦੇ ਲਈ ਸਹੁੰ ਚੁੱਕੀ ਹੈ, 53 ਸਾਲਾ ਮਿਲਕਿੰਦਰ ਜਸਪਾਲ 1960 ‘ਚ ਬਰਤਾਨੀਆ ਆਏ ਸਨ।ਸ. ਨਰਿੰਦਰਜੀਤ ਸਿੰਘ ਥਾਂਦੀ ਕੈਂਟ ਕਾਊਂਟੀ ਕੌਂਸਲ ਦੇ ਪਹਿਲੇ ਸਿੱਖੀ ਸਰੂਪ ਵਾਲੇ ਕੌਂਸਲਰ ਚੁਣੇ ਗਏ ਹਨ। ਕੈਂਟ ਕਾਊਂਟੀ ਦੇ 80 ਸਾਲਾ ਇਤਿਹਾਸ ‘ਚ ਇਹ ਪਹਿਲੀ ਵਾਰ ਹੈ ਜਦੋਂ ਕੋਈ ਅੰਮ੍ਰਿਧਾਰੀ ਸਿੱਖ ਮੈਂਬਰ ਬਣਿਆ  ਹੈ।