ਸ਼ਤਾਬਦੀ ਦੇ ਚੈਂਪੀਅਨ ਬਣੇ ਅਮਰੀਕਾ ਦੇ ਮੇਅਵੇਦਰ

ਲਾਸ ਵੇਗਾਸ- ਬਾਕਸਿੰਗ ਦੇ ਇਤਿਹਾਸ ਦਾ ਸਭ ਤੋਂ ਵੱਡਾ ਮੁਕਾਬਲਾ ਲਾਸ ਵੇਗਾਸ ਦੇ ਐਮ.ਡੀ.ਐਮ. ਗ੍ਰੈਂਡ ਮਰੀਨਾ 'ਚ ਖਤਮ ਹੋ ਗਿਆ। ਕਰੀਬ 2 ਹਜਾਰ ਕਰੋੜ ਰੁਪਏ ਵਾਲੇ ਇਸ ਮਹਾਂ ਮੁਕਾਬਲੇ 'ਚ ਅਮਰੀਕਾ ਦੇ ਫਲਾਇਡ ਮੇਅਵੇਦਰ ਜੂਨੀਅਰ (116 ਅੰਕ) ਨੇ ਫਿਲੀਪੀਂਸ ਦੇ ਮੈਨੀ ਪੈਕਿਆਓ (112) ਨੂੰ 4 ਅੰਕਾਂ ਨਾਲ ਹਰਾ ਕੇ ਸ਼ਤਾਬਦੀ ਦਾ ਚੈਂਪੀਅਨ ਬਣ ਗਿਆ। 

ਮੁਕਾਬਲਾ ਜਿੱਤਣ ਲਈ ਮੇਅਵੇਦਰ ਨੂੰ 1142 ਕਰੋੜ ਰੁਪਏ ਮਿਲਣਗੇ। ਗੌਰਤਲਬ ਹੈ ਕਿ ਹਾਰਨ ਵਾਲੇ ਬਾਕਸਰ ਮੈਨੀ ਪੈਕਿਆਓ ਨੂੰ ਵੀ 761 ਕਰੋੜ ਰੁਪਏ ਦਾ ਇਨਾਮ ਮਿਲੇਗਾ। ਖਾਸ ਗੱਲ ਹੈ ਕਿ ਮੇਅਵੇਦਰ ਦੁਨੀਆ ਦਾ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਬਾਕਸਰ ਹੈ। ਉਸ ਦੀ ਜਾਇਦਾਦ ਕਰੀਬ 27 ਅਰਬ ਰੁਪਏ ਹੈ। ਉਨ੍ਹਾਂ ਨਾਲ ਭਿੜਨ ਵਾਲੇ ਬਾਕਸਰ ਪੈਕਿਆਓ ਦੀ ਕਰੀਬ 22 ਅਰਬ ਦੀ ਜਾਇਦਾਦ ਹੈ।