'ਬਦਨਾਮ' ਗਾਇਕ ਹਨੀ ਸਿੰਘ ਵਿਰੁਧ ਪਰਚਾ ਦਰਜ

<p>'ਬਦਨਾਮ' ਗਾਇਕ ਹਨੀ ਸਿੰਘ<br></p>

ਚੰਡੀਗੜ੍ਹ- ਲੱਚਰ ਗੀਤਾਂ ਤੇ ਵੀਡੀਉ ਰਾਹੀਂ 'ਬਦਨਾਮ' ਹੋਏ ਗਾਇਕ ਹਨੀ ਸਿੰਘ ਨਵੀਂ ਮੁਸੀਬਤ ਵਿਚ ਫਸਦੇ ਦਿਖ ਰਹੇ ਹਨ। ਅੱਜ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਪੁਲਿਸ ਨੇ ਅਸ਼ਲੀਲ ਗੀਤ ਗਾਉਣ ਦੇ ਦੋਸ਼ ਹੇਠ ਹਨੀ ਸਿੰਘ ਵਿਰੁਧ ਪਰਚਾ ਦਰਜ ਕਰ ਲਿਆ ਹੈ। ਜ਼ਿਕਰਯੋਗ ਹੈ ਕਿ ਹੈਲਪ ਨਾਮੀ ਸੰਸਥਾ ਨੇ ਹਨੀ ਸਿੰਘ ਦੀ ਅਸ਼ਲੀਲ ਗਾਇਕੀ ਵਿਰੁਧ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿਚ ਪਟੀਸ਼ਨ ਪਾਈ ਸੀ। ਇਸ ਪਟੀਸ਼ਨ ਦੀ ਸੁਣਵਾਈ ਕਰਦਿਆਂ ਬੀਤੇ ਦਿਨੀਂ ਅਦਾਲਤ ਨੇ ਪੰਜਾਬ ਸਰਕਾਰ ਦੀ ਇਸ ਗੱਲੋਂ ਚੰਗੀ ਝਾੜ ਝੰਬ ਕੀਤੀ ਸੀ ਕਿ ਹਨੀ ਸਿੰਘ ਵਿਰੁਧ ਕਾਰਵਾਈ ਕਿਉਂ ਨਹੀਂ ਕੀਤੀ ਗਈ। ਹਨੀ ਸਿੰਘ ਵਿਰੁਧ ਲੋਕਾਂ ਦਾ ਗੁੱਸਾ ਉਸ ਸਮੇਂ ਜ਼ਿਆਦਾ ਭੜਕ ਗਿਆ ਸੀ ਜਦ ਉਸ ਨੇ ਪਿੱਛੇ ਜਿਹੇ 'ਮੈਂ ਹਾਂ ਬਲਾਤਕਾਰੀ' ਗੀਤ ਗਾਇਆ ਸੀ। ਇਸ ਤੋਂ ਬਾਅਦ ਉਸ ਦੀ ਗੰਦੀ ਗਾਇਕੀ ਵਿਰੁਧ ਚੁਫੇਰਿਉਂ ਆਵਾਜ਼ਾਂ ਉਠਣ ਲੱਗ ਪਈਆਂ ਸਨ।