ਅਮਰੀਕਾ ਦੇ ਸਟੋਰਾਂ 'ਤੇ ਸਿੰਥੈਟਿਕ ਡਰਗ ਵੇਚਣ ਦੇ ਦੋਸ਼ ਵਿਚ ਕਈ ਪੰਜਾਬੀ ਪੁਲਿਸ ਵੱਲੋਂ ਗ੍ਰਿਫ਼ਤਾਰ

ਐਲਖਰਟ (ਇਲਨੌਇ)- ਅਮਰੀਕਾ ਦੇ ਇਲਨੌਇ ਸੂਬੇ ਦੇ ਇਸ ਸ਼ਹਿਰ 'ਚ ਸਥਿਤ ਸਟੋਰਾਂ 'ਤੇ ਸਿੰਥੈਟਿਕ ਡਰੱਗ ਵੇਚਣ ਦੇ ਦੋਸ਼ ਵਿਚ 20 ਵਿਅਕਤੀ ਗ੍ਰਿਫਤਾਰ ਕੀਤੇ ਗਏ ਹਨ, ਜਿਨ੍ਹਾਂ 'ਚੋਂ ਕਈ ਪੰਜਾਬੀ ਹਨ।

ਸਾਬਤ ਸੂਰਤ ਸਿੱਖ ਗੁਰਚਰਨ ਸਿੰਘ ਤੇ ਇੱਕ ਬੀਬੀ ਜਸਵਿੰਦਰ ਕੌਰ ਤੋਂ ਇਲਾਵਾ ਗ੍ਰਿਫਤਾਰ ਹੋਏ ਵਿਅਕਤੀਆਂ 'ਚ ਅਮਨਦੀਪ ਸਿੰਘ, ਗੁਰਪ੍ਰੀਤ ਸਿੰਘ ਹੈ, ਸਰਬਜੀਤ ਸਿੰਘ ਗੁੱਜਰ, ਸੁਖਜਿੰਦਰ ਸਿੰਘ, ਜਗਵਿੰਦਰ ਸਿੰਘ, ਮਨਪ੍ਰੀਤ ਸਿੰਘ, ਤਰਲੋਕ ਸਿੰਘ, ਜਗਪ੍ਰੀਤ ਸਿੰਘ, ਸ਼ਮਸ਼ੇਰ ਸਿੰਘ ਤੇ ਤਰਲੋਕ ਸਿੰਘ ਦੇ ਨਾਮ ਸ਼ਾਮਲ ਹਨ। ਇਹ ਕਥਿਤ ਦੋਸ਼ੀ ਰੋਜ਼ਾਨਾ ਵਰਤੋਂ ਦੀਆਂ ਚੀਜ਼ਾਂ ਵਾਲੇ ਸਟੋਰਾਂ ਜਾਂ ਪੈਟਰੋਲ ਪੰਪਾਂ 'ਤੇ ਡਰੱਗ ਵੇਚਣ ਦਾ ਧੰਦਾ ਕਰ ਰਹੇ ਸਨ। 

ਅਜੇ ਇਹ ਜਾਣਕਾਰੀ ਮਿਲਣੀ ਬਾਕੀ ਹੈ ਕਿ ਇਨ੍ਹਾਂ ਵਿਚੋਂ ਕਿਹੜੇ ਮਾਲਕ ਸਨ ਤੇ ਕਿੰਨੇ ਮੁਲਾਜ਼ਮ। ਇਨ੍ਹਾਂ ਦੀ ਜ਼ਮਾਨਤ ਲਈ ਪੁਲਿਸ ਨੇ 50-50 ਹਜ਼ਾਰ ਡਾਲਰ ਤੋਂ ਲੈ ਕੇ 5-5 ਲੱਖ ਡਾਲਰ ਤੱਕ ਦੀ ਜ਼ਮਾਨਤ ਮੰਗੀ ਹੈ।