ਧੋਖਾਧੜੀ ਮਾਮਲੇ 'ਚ ਢਾਈ ਕਰੋੜ ਦਾ ਹਰਜਾਨਾ ਭਰੇਗਾ ਭਾਰਤੀ ਡਾਕਟਰ ਰਵੀ ਸ਼ਰਮਾ

ਨਿਊਯਾਰਕ : ਅਮਰੀਕਾ 'ਚ ਧੋਖਾਧੜੀ ਦੇ ਮਾਮਲੇ ਨੂੰ ਹੱਲ ਕਰਨ ਲਈ ਭਾਰਤੀ ਮੂਲ ਦਾ ਇਕ ਡਾਕਟਰ ਚਾਰ ਲੱਖ ਡਾਲਰ (ਕਰੀਬ ਢਾਈ ਕਰੋੜ ਰੁਪਏ) ਦੀ ਭਰਪਾਈ ਕਰੇਗਾ। ਉਸ 'ਤੇ ਅਤੇ ਉਸ ਦੇ ਕਲੀਨਿਕ 'ਤੇ ਸੰਘੀ ਕਾਨੂੰਨਾਂ ਦੀ ਉਲੰਘਣਾ ਦੇ ਦੋਸ਼ ਲੱਗੇ ਹਨ। ਨਿਆਂ ਵਿਭਾਗ ਨੇ ਮੰਗਲਵਾਰ ਨੂੰ ਸਮਝੌਤੇ ਦਾ ਐਲਾਨ ਕੀਤਾ ਹੈ। ਇਸ 'ਚ ਦੱਸਿਆ ਗਿਆ ਕਿ ਫਲੋਰੀਡਾ ਦੇ ਰਵੀ ਸ਼ਰਮਾ ਫਰਜ਼ੀ ਦਾਅਵਾ ਐਕਟ ਤਹਿਤ ਭਰਪਾਈ ਕਰਨ ਲਈ ਤਿਆਰ ਹੋ ਗਏ ਹਨ। 

ਸਮਝੌਤੇ ਮੁਤਾਬਕ ਸ਼ਰਮਾ ਨੇ ਸਿਹਤ ਤੇ ਮਨੁੱਖੀ ਸੇਵਾ ਵਿਭਾਗ ਦੇ ਜਨਰਲ ਡਾਇਰੈਕਟਰ ਦਫਤਰ ਨਾਲ ਤਿੰਨ ਸਾਲ ਦਾ ਕਾਂਟਰੈਕਟ ਕੀਤਾ ਹੈ। ਇਸ ਤਹਿਤ ਉਨ੍ਹਾਂ ਨੂੰ ਮੈਡੀਕਲ ਸਹਾਇਤਾ ਕੇਂਦਰ ਵੱਲੋਂ ਦਿੱਤੀ ਜਾਣ ਵਾਲੇ ਸਿਖਲਾਈ ਪ੍ਰੋਗਰਾਮਾਂ ਨੂੰ ਜ਼ਰੂਰੀ ਤੌਰ 'ਤੇ ਕਰਨਾ ਪਵੇਗਾ। ਨਿਆਂ ਵਿਭਾਗ ਦੇ ਸਿਵਲ ਡਵੀਜ਼ਨ ਦੇ ਸਹਾਇਕ ਅਟਾਰਨੀ ਜਨਰਲ ਸਟੁਅਰਟ ਡੇਲਰੀ ਨੇ ਕਿਹਾ ਕਿ ਮੈਡੀਕਲ ਪ੍ਰਕਿਰਿਆਵਾਂ ਸਹੀ ਢੰਗ ਨਾਲ ਤੇ ਕਾਬਲ ਲੋਕਾਂ ਵੱਲੋਂ ਕਰਵਾਈਆਂ ਜਾਣੀਆਂ ਚਾਹੀਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਅਸੀਂ ਉਨ੍ਹਾਂ ਨੂੰ ਬਿਲਕੁੱਲ ਬਰਦਾਸ਼ਤ ਨਹਂੀਂ ਕਰਾਂਗੇ, ਜਿਹੜੇ ਆਪਣੇ ਨਿੱਜੀ ਸਵਾਰਥ ਲਈ ਮਰੀਜ਼ਾਂ ਦੀ ਸੁਰੱੱਖਿਆ ਨੂੰ ਖਤਰੇ 'ਚ ਪਾਉਂਦੇ ਹਨ।