Posted on July 8th, 2020
ਕੈਨੇਡਾ ਦੇ ਮੱਧ 'ਚ ਪੈਂਦੇ ਸੂਬੇ ਸਸਕੈਚੂਅਨ ਦੇ ਸ਼ਹਿਰ ਵਰਮਨ 'ਚ ਕਤਲ ਹੋਈ 23 ਸਾਲਾ ਪੰਜਾਬਣ ਸਮਨਦੀਪ ਕੌਰ ਝਿੰਜਰ ਨੂੰ ਪਹਿਲਾਂ ਲਾਪਤਾ ਸਮਝਿਆ ਜਾ ਰਿਹਾ ਸੀ ਪਰ ਬਾਅਦ 'ਚ ਉਸਦੀ ਲਾਸ਼ ਵਰਮਨ ਸ਼ਹਿਰ ਦੇ ਇੱਕ ਘਰ 'ਚੋਂ ਬਰਾਮਦ ਹੋਈ। ਜਾਂਚ ਤੋਂ ਬਾਅਦ ਵਰਮਨ ਆਰ. ਸੀ. ਐਮ. ਪੀ ਨੇ ਮਰਨ ਵਾਲੀ ਲੜਕੀ ਦੇ ਰਿਸ਼ਤੇ 'ਚੋਂ ਲਗਦੇ ਜੀਜੇ ਰਣਬੀਰ ਢੱਲ (42) ਨੂੰ ਪਹਿਲੇ ਦਰਜੇ ਦੇ ਕਤਲ ਦੇ ਦੋਸ਼ ਅਧੀਨ ਹਿਰਾਸਤ 'ਚ ਲੈ ਲਿਆ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਪੰਜਾਬ ਦੇ ਪਿੰਡ ਨੈਣੇਵਾਲ (ਬਰਨਾਲਾ) ਤੋਂ ਕੈਨੇਡਾ ਆਈ ਸਮਨਦੀਪ ਕੌਰ ਝਿੰਜਰ ਫੜੇ ਗਏ ਦਵਿੰਦਰ ਢੱਲ ਦੀ ਪਤਨੀ ਨਾਲ ਰਹਿ ਰਹੀ ਸੀ, ਜੋ ਕਿ ਵਕੀਲਾਂ ਮੁਤਾਬਕ ਉਸਦੀ ਰਿਸ਼ਤੇਦਾਰੀ 'ਚੋਂ ਭੈਣ ਲਗਦੀ ਸੀ। ਵੈਸੇ ਰਣਬੀਰ ਢੱਲ ਨਜ਼ਦੀਕੀ ਸ਼ਹਿਰ ਸਸਕਾਟੂਨ ਦਾ ਰਹਿਣ ਵਾਲਾ ਦੱਸਿਆ ਗਿਆ ਹੈ। ਵਰਮਨ ਸ਼ਹਿਰ ਐਡਮਿੰਟਨ (ਅਲਬਰਟਾ) ਤੋਂ ਵਿਨੀਪੈਗ (ਮੈਨੀਟੋਬਾ) ਨੂੰ ਜਾਂਦੇ ਹਾਈਵੇਅ ਦੇ ਲਗਭਗ ਅੱਧ 'ਚ ਸਸਕਾਟੂਨ (ਸਸਕੈਚੂਅਨ) ਸ਼ਹਿਰ ਦੇ ਕੋਲ ਮੌਜੂਦ ਹੈ, ਜਿੱਥੇ ਪੰਜਾਬੀਆਂ ਦੀ ਆਬਾਦੀ ਕੋਈ ਬਹੁਤੀ ਨਹੀਂ।
ਸਮਨਦੀਪ ਕੌਰ ਦਾ ਕਤਲ ਕਿਸ ਹਾਲਾਤ 'ਚ ਅਤੇ ਕਿਸ ਤਰਾਂ ਕੀਤਾ ਗਿਆ, ਇਸ ਬਾਰੇ ਪਤਾ ਲੱਗਣਾ ਅਜੇ ਬਾਕੀ ਹੈ। ਅੱਜ ਮੰਗਲਵਾਰ ਪੁਲਿਸ ਨੇ ਲਾਸ਼ ਦੀ ਆਟੋਪਸੀ (ਪੋਸਟ ਮਾਰਟਮ) ਕਰਨੀ ਹੈ। ਪੁਲਿਸ ਵਲੋਂ ਕਿਸੇ ਵਿਅਕਤੀ 'ਤੇ ਪਹਿਲੇ ਦਰਜੇ ਦੇ ਕਤਲ ਦੇ ਦੋਸ਼ ਲਾਉਣ ਦਾ ਮਤਲਬ ਇਹੀ ਨਿਕਲਦਾ ਹੈ ਕਿ ਕਥਿਤ ਕਾਤਲ ਵਲੋਂ ਜਾਣਬੁੱਝ ਕੇ ਕਤਲ ਗਿਆ। ਉਸ ਦੀ ਅਗਲੀ ਅਦਾਲਤੀ ਪੇਸ਼ੀ 22 ਜੁਲਾਈ ਨੂੰ ਹੋਵੇਗੀ।
ਸਰਕਾਰੀ ਵਕੀਲ ਦੀ ਮੰਗ 'ਤੇ ਮਾਣਯੋਗ ਜੱਜ ਨੇ ਰਣਬੀਰ ਢੱਲ ਨੂੰ ਵਰਜਿਆ ਹੈ ਕਿ ਉਹ ਅਦਲਾਤ 'ਚ ਪੇਸ਼ ਕੀਤੇ ਗਏ 7 ਨਾਂਵਾਂ ਨਾਲ ਸਬੰਧਤ ਵਿਅਕਤੀਆਂ ਨੂੰ ਮਿਲ ਨਹੀਂ ਸਕਦਾ ਨਾ ਹੀ ਕਿਸੇ ਤਰੀਕੇ ਸੰਪਰਕ ਸਾਧ ਸਕਦਾ ਹੈ। ਅਦਾਲਤੀ ਦਸਤਾਵੇਜ਼ਾਂ ਇਹ ਵੀ ਦਰਸਾਉਂਦੇ ਹਨ ਕਿ ਰਣਬੀਰ ਢੱਲ ਵਿਰੁੱਧ ਇਸੇ ਸਾਲ ਮਾਰਚ ਵਿਚ ਵੀ ਕੁੱਟਮਾਰ ਦੇ ਦੋਸ਼ ਵੀ ਲੱਗੇ ਸਨ।
ਕੈਨੇਡਾ ਵਿੱਚ ਨਜ਼ਦੀਕੀ ਰਿਸ਼ਤੇਦਾਰਾਂ ਹੱਥੋਂ ਕਤਲ ਹੋਈਆਂ ਪੰਜਾਬਣਾਂ ਦੀ ਸੂਚੀ ਬੜੀ ਲੰਮੀ ਹੈ। ਇਸ ਮਾਮਲੇ ਦਾ ਪੂਰਾ ਸੱਚ ਬਾਹਰ ਆਉਣਾ ਹਾਲੇ ਬਾਕੀ ਹੈ।
ਗੁਰਪ੍ਰੀਤ ਸਿੰਘ ਸਹੋਤਾ/ ਸਰੀ/ ਚੜ੍ਹਦੀਕਲਾ ਬਿਊਰੋ
Posted on April 12th, 2024
Posted on April 11th, 2024
Posted on April 10th, 2024
Posted on April 10th, 2024
Posted on April 9th, 2024
Posted on April 8th, 2024
Posted on April 5th, 2024
Posted on April 4th, 2024
Posted on April 3rd, 2024
Posted on April 2nd, 2024
Posted on April 1st, 2024
Posted on March 27th, 2024