Leading Punjabi Newspapers of CANADA & USA

1986 ਤੋਂ ਚੜ੍ਹਦੀ ਕਲਾ ਅਤੇ ਅਕਾਲ ਗਾਰਡੀਅਨ ਅਖਬਾਰਾਂ ਰਾਹੀਂ ਕੈਨੇਡਾ-ਅਮਰੀਕਾ ਦੇ ਪੰਜਾਬੀਆਂ ਦੀ ਸੇਵਾ ਵਿੱਚ

ਸਰੀ 'ਚ ਗੋਲੀਆਂ ਮਾਰ ਕੇ ਇੱਕ ਹੋਰ ਪੰਜਾਬੀ ਨੌਜਵਾਨ ਦਾ ਕਤਲ

Posted on January 27th, 2017


ਸਰੀ (ਗੁਰਪ੍ਰੀਤ ਸਿੰਘ ਸਹੋਤਾ)- ਇੱਥੋਂ ਦੀ 130 ਸਟਰੀਟ ਅਤੇ 96 ਐਵੇਨਿਊ ਨਜ਼ਦੀਕ ਸਥਿਤ ਮੈਕਡੌਨਲਡ ਰੈਸਟੋਰੈਂਟ ਲਾਗੇ ਗੱਡੀ 'ਚ ਜਾ ਰਹੇ ਇੱਕ ਨੌਜਵਾਨ ਦੇ ਗੋਲੀਆਂ ਮਾਰੀਆਂ ਗਈਆਂ, ਜਿਸ ਕਾਰਨ ਉਸਦੀ ਗੱਡੀ ਬੇਕਾਬੂ ਹੋ ਕੇ ਰੈਸਟੋਰੈਂਟ ਦੇ ਸਾਈਨ ਨਾਲ ਜਾ ਟਕਰਾਈ। ਸਰੀ ਹਸਪਤਾਲ ਤੋਂ ਮਹਿਜ਼ ਇੱਕ ਕਿਲੋਮੀਟਰ ਦੂਰ ਮੌਕਾ-ਏ-ਵਾਰਦਾਤ 'ਤੇ ਕੁਝ ਮਿੰਟਾਂ ਦੇ ਵਕਫ਼ੇ 'ਚ ਪੁੱਜੀ ਐਂਬੂਲੈਂਸ ਨੇ ਜ਼ਖਮੀ ਹੋਏ ਨੌਜਵਾਨ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਪਰ ਸਫਲ ਨਾ ਹੋ ਸਕੇ। 

ਮਾਰੇ ਗਏ ਗੱਭਰੂ ਦੀ ਪਛਾਣ 22 ਸਾਲਾ ਕਰਨਪ੍ਰਤਾਪ ਸਿੰਘ ਵੜੈਚ ਵਜੋਂ ਹੋਈ ਹੈ। ਪੁਲਿਸ ਮੁਤਾਬਿਕ ਇਹ ਮਿੱਥ ਕੇ ਕੀਤਾ ਗਿਆ ਕਤਲ ਸੀ ਤੇ ਪੁਲਿਸ ਵੜੈਚ ਦੀਆਂ ਕਾਰਵਾਈਆਂ ਤੋਂ ਪਹਿਲਾਂ ਹੀ ਜਾਣੂੰ ਸੀ। ਜ਼ਿਕਰਯੋਗ ਹੈ ਕਿ ਪਿਛਲੇ ਹਫ਼ਤੇ ਸਰੀ ਦੇ ਦੋ ਨੌਜਵਾਨ ਗੁਆਂਢੀ ਸੂਬੇ ਅਲਬਰਟਾ ਦੇ ਸ਼ਹਿਰ ਐਡਮਿੰਟਨ 'ਚ ਕਤਲ ਕਰ ਦਿੱਤੇ ਗਏ ਸਨ। ਪੁਲਿਸ ਨੇ ਹਾਲ ਦੀ ਘੜੀ ਦੋਵਾਂ ਵਾਰਦਾਤਾਂ 'ਚ ਕੋਈ ਆਪਸੀ ਸਬੰਧ ਹੋਣ ਤੋਂ ਅਗਿਆਨਤਾ ਪ੍ਰਗਟਾਈ ਹੈ ਪਰ ਦੋਵਾਂ ਵਾਰਦਾਤਾਂ ਨੂੰ ਲੰਮੇ ਸਮੇਂ ਤੋਂ ਚੱਲ ਰਹੀ ਗੈਂਗ ਹਿੰਸਾ ਦਾ ਨਤੀਜਾ ਦੱਸਿਆ ਹੈ। ਅਦਾਲਤੀ ਦਸਤਾਵੇਜ਼ ਦੱਸਦੇ ਹਨ ਕਿ ਵੜੈਚ 'ਤੇ ਪੁਲਿਸ ਵਲੋਂ ਕੁੱਟਮਾਰ, ਧੱਕੇਸ਼ਾਹੀ ਅਤੇ ਧਮਕੀਆਂ ਦੇਣ ਨਾਲ ਸਬੰਧਿਤ ਕਈ ਦੋਸ਼ ਆਇਦ ਕੀਤੇ ਹੋਏ ਸਨ।

ਵੀਰਵਾਰ ਸ਼ਾਮ ਸਰੀ ਵਿੱਚ ਦੁਬਾਰਾ 124 ਸਟਰੀਟ ਅਤੇ 91 ਐਵੇਨਿਊ ਲਾਗੇ ਇੱਕ ਮਰਸੀਡੀਜ਼ ਕਾਰ ਨੂੰ ਨਿਸ਼ਾਨਾ ਬਣਾ ਕੇ ਗੋਲੀਆਂ ਮਾਰੀਆਂ ਗਈਆਂ। ਇਸ ਗੋਲੀਬਾਰੀ ਵਿੱਚ ਕਿਸੇ ਦੇ ਜ਼ਖਮੀ ਹੋਣ ਜਾਂ ਨਾ ਹੋਣ ਬਾਰੇ ਪੁਲਿਸ ਨੇ ਜਾਣਕਾਰੀ ਨਹੀਂ ਦਿੱਤੀ। 

Read Our Latest E-Papers

CHARHDI KALA

kala-usakala-canadian

AKAL GUARDIAN

gaurdian-newsgaurdian-entertainment

Archive

RECENT STORIES